اكلات شعبيه
========= عونى هشام
كان نفسى كرشه ولحمة راس
فين يا زمان كات ليا اساس
تشوفها بالفته مع الثوم
ريحتها توقف شعر الراس
مراتى شيف لا قول استاذ
فى الاكل دى طبخها ممتاز
تجيب فسيخ تعمله شربات
وفى العلوم بيكون اعجاز
جيبتلها مخ كمان ولسان
عملت لى اكل جنان ف جنان
فيه محمر ومشمر
ع السفره كان كل الالوان
ريحتها طالعه ف نفوخى
الطعم حلو نسيت روحى
اكلت كات هتروح روحى
ونسيت يا عم اننى تعبان
الضغط زاد ويا السكر
وكروستورل زاد فيه اكتر
اوام اوام على المستشفى
ويكلمونى ما اتذكر
السن له حكم يا جدعان
مش كل حاجه تليق سنك
صون حياتك عيش بامان
لو يوم تزيد هايزيد همك
=============
إرسال تعليق