كلماتى ردا على قصيده الرائعه
الشاعره\ ريم صلاح --- لسه عايشه الأحتمال
...........................
لسّه تاني ..
السطور ف الورقه عاشقه
طعم حزنك يا قلم
لسّه عاشقه لون عذابك
واكتئابك
لسّه بتغنّي لشبابك
لحن وجعك م الألم
لسّه فاكره صوت أهاتك
غنوه محتاجه لنغم
أاااه يا قلبي اللي انقسم
بين وجع ف وريدي نايم
بين عذاب ف دموعي عايم
بين كلام ع السطر هايم
بس رايح للعدم
بعد حلمي اللي انهدم
إيه فاضللي غير دموعي
غير عذابي
غير وجيعتي
بحر بيمرجح سفينتي
بس رايح للغريق
والدموع خلّتني عاجزه
حتى عن شوف الطريق
كل شئ ما بقاش برئ
صوت زئير البحر عالي
وامّا عدّى الموج قبالي
شوفته أعلى من الجبال
صوت رياح النوّه قاللي
الهروب م الموت مُحال
والغريبه لسّه إيدي
ماسكه ف حبال الأمال
لسّه عايشه الإحتمال
إن موج البحر يهدا
والسفينه تلاقي بر
دالشعور بالعجز مُر
بس مهما تكون مرارته
إنتظار الموت أمرّ
لسّه جوّه القلب صبر
بس خايفه الصبر ينفد
والتقيني صبحت فجأه
ع الورق ..
خطّين حِداد
........................................
,,,,,,,,,,,,,,,,,,,,,,,,,,,,,,,
الشاعر \ عبدالواحد محمد
بكره جى
,,,,,,,,,,,,,,,,,,,,,,,,,,,,,
وأه
ياغريقه ف المواجع
بكره صبحه وفجره طالع
لسه قلمك راسه عاليه
لسه نبضه وحبره سايل
نبض قلمك ب المواجع
ولصوت أنينك لسه سامع
جوه بحر عالى عومتى
يامه شوفتى من محال
بس أنتصرتى وما أنهزمتى
مش عشان شفتى جرح بصباعك
تبقى موتى وأنتهيتى
والسفينه اللى تقوديها
لسه عايمه
البحر يعلى ولا يوطى
لسه سافنتك عفيه
بالأراده
تقدرى تحطمى كل الصخور
بس بصى ع البعيد شايفه أيه
أوصفيلى كلمينى شايفه أيه
شايفه فجر ونهاره طالع
صبح من غير المواجع
كام شعاع من نور لشمس
حتمحى أمسك بالمواجع
والنهار الجاى أحلى
والربيع بالزهر راجع
والدموع اللى سالت من جبينك
خضرت زهره فى بستان الأمل
والاغنانى اللى أتنست
أكتبيها أوعديها وسجلى أجمل نغم
لسه شايف بين سطورك
أبتسامه حتى لو خيبه أمل
أكتأبك وأنكسارك مهما طالو
زى ما قلتى هما نوه
يعنى لطشه برد أخرها
مصحوبه بشويه ذكام
المهم أن راجعه ترففى زى الحمام
والموج اللى فعيونك كان جبال
ده ثراب أو كوم رمال
بكره حبة ميه تاخده
تدوبو تحت النعال
حلم شيفاه بعنيكى بس طال
وبعد ليله رجعتى تانى
ماسكه قلمك وكتبه كلمه
الله وأكبر
كلمتك محت الظلام
السطور مشتاقه تحفظ من كلامك
والورق قلبه بيرقص لما نضرك
والقلم قال الحكايه ع السطور
وسجل القلم غنوه كانت ف الخيال
أنى راجعه ومش حسلم
مهما جرحك فيه علم
رحلتك خلصت وراحت
وسفنتى وصلت وطويت الشراع
وأتمحت دمعة عيونى ومش حسلم
عبدالواحد محمد
إرسال تعليق