يا قلب اهدى
ما فيش تكات خلاص تاني
دا آخر تكة تكيتها بقالي زمان
و بوست يا ناس إيدين قلبي
و نبهته إنه أنا إنسان
و كانت همستي لقلبي
يا قلبي الرحمة أنا حيران
يا قلبي حبيبي خد بالك
و حرَّص من كيد النسوان
جرت دمعاته في عيوني
و قالي يا عم أنا عاذرك
و من أجلك أنا زعلان
لكن قدري و كمان قدرك
بأني في الهيام غرقان
و هو مفتون و تاعبني
و من أخر البلاد جبني
و عن أوطاني غربني
و لما تعبت قلت اهدى
حرام يا قلبي تتعبني
صرخ و الله ما بيدي
دي نارالشوق بتكويني
و كتر الوجد لهلبني
و عقلي و قلبي خاصموني
و بُعد حبيبي عذبني
هقولك أيه ما دام مفتون ؟!
حبيبي خلاص طاوع قلبك
و خد بالك على عقلك
و هيم و اعشق نساء الكون
و كن كجميل أو المجنون
لكن يا قلبي وصيتك
راقب ربك و إوعى تخون
كلمات / محمد العراقي
في 27 / 7 / 2016 م
إرسال تعليق