ما عاد تحرز----شروقيه من ديواني حفنة غزل
=========================
طلبتي قصيدة غزل طلي تعي وشوفي
قديش كاتب الك اشعار ع رفوفي
ومن يوم انتِ وانا كنا بعد صبيان
بقيتي بقلبي جرح نهده على دفوفي
وياما ع تختي سهرت مع لوعة الحرمان
وعنك لقلبي قلت بتحس بضروفي
بقيتي كانك حلم عايش مع الوجدان
وساعة غيابك ع شكلي تْبعثروا حروفي
وصَفيْت ضايع عمر مع عتمة النسيان
وما حصدت غير الصبر والشوق بكفوفي
واليوم يا حلوتي وَّلى شهر نيسان
وصارت وراق العمر ع الارض منعوفه
وما عاد تحرز نجي وننقز البستان
ونصبح حكايا ع ثم الناس مكشوفه
خلِّي خيالك معي تحت الجفن سهران
تا ظل أُنضم غزل في حبّك الصوفي
-------------------------------------
بقلمي راضي مشيلح
إرسال تعليق