قصيدة /فاكرك زمان
فاكرك لما كنتي بتجري حوالين المكان
كنتي طفلة صغيرة
لافة ضفايرك باالتوك
ولسة بسمع خطوتك
جوه الجناين والغيطان
جريك علي شط الترع
وعلي الطريق
وبتسبقيني في كل مرة
وبترمحي ولا رمحة الخيل والحصان
ضحكك مهول
حبك جنون
عشقك طوفان
غرق لياليا في ايام الصبا
ولحد لما بقيت كبير بين الولاد
تقلك يكسر قوتي
حبك عناد
ومين انا علشان الين شدتك
بين البنات
بعد اما كبرت طرحتك
واتلفلفت
كبرت لفاليف الطرح
واتلف عودك وانطرح
زي النبات
ابقي انا كيف القاكي تاني واعترف
وارجع بأيامي زمان
وكيف اقدر علي نظرة عيونك
من سواد عينك
طلسم رموشك والجفون
تعويذة في جبينك
اتاري الليل بيشحت من سواد عينك
والوصفة تعويذة مفكهاش ساحر
اتاريني بقيت مجنون انا في ليلك
والضحكة لما بتنطلق من جوه احضانك
تشعل لياليا الحزينةانوارك
وانسي الهموم
بقلمي/احمد حسين
إرسال تعليق