............. غابت لحظة ................
قدام عيني ليل ونهار
شايف منها كل جميل
رايحة وجاية مية مشوار
معدنها طيب واصيل
في الليل عاملة انبهار
ومن النجمة بتاع تراحيل
شايفه جميع طلبات الدار
شكرا ليها يبقى قليل
إن غابت لحظة يبقى مرار
واحس بالحمل تقيل
هي حقيقي عمود الدار
ومن غيرها ولا شئ جميل
حبيبة قلبي وكل سنيني
غايبه عني بقالها ساعات
غايبه وشايفك ادام عيني
لحظة ف بعدك عمر اهات
غايبة بخاطري وغصب عني
وبايدي بعادك مرات
ما هو غيابك علشان امي
وعشانها اتحمل سنوات
لكن لحظة في بعدك عني
بتزيد شوقي عشر مرات
غابت عني وعارف راجعة
بس الليل عليا طال
غابت عني ونزلت دمعة
واسأل نفسي الف سؤال
هو غيابها يكون جمعة
ولا هتيجي اوام ف الحال
طب حاسة باني هموت م القعدة
من شوقي ليها وللعيال
يارب ترجع بكرة
صبري على بعادها محال
إرسال تعليق