هــــو ليــه حبـك عـــذاب
وقــــافل وراه كل بـــــاب
هــو يعنى عشــان بحبــك
لازم اطيـــر فى السحاب
مـش كفــاية أكون معـاكى
بيـــن أيديكى بين عنيــكى
ولا يعنــى أعمــل أيــــــه
فـاضل بـس أكــون هواكى
كـل شـويــه تقولى عــادى
معــاك أهــو قلبـك قصادى
شــايفة عينك رايحة جــاية
تراقب عيونى تراقب كلامى
عــادى يعنى مش بعيــــدة
ولا بقـــولك أنى عنيـــــده
عـايشة حالة من السعــادة
صدقنى عايشة معاك سعيدة
فضلت أصرخ بعلو صوتى
وأدعى بس يارب موتـــى
للــى بتقـــول للحــب عادى
ليـــه وليـــه طول الثوانــى
الحـب ده أحساس جميــل
تحت نجمة فى سهر الليل
مش حكاية بين الحكـاوى
نعـــدى بيها الليل الطويل
******************************
بقلم . محمد لبيب مصيلحى
إرسال تعليق