الـــــوداع
كنا مع بعض نظرلى وقالى الوداع ...
سلم عليا والعمر معاه ضاع ..
راح وتركنى فى دنيا كلها صراع ..
أبكى عليه ولا أبكى من الأوجاع ...
قلبى خد بالك وحاسب من الضياع ..
راح وفاتك فى دنيا كلها عذاب ..
قل فيها الصدق وكتيرها كداب ..
وفيها الشر مع الخير داب ...
وفيها الوفى وفيها النصاب ...
وناس بتدخل البيوت مش من البواب ..
وناس شريره وعامله أنها أحباب ...
يا شريك عمرى وأخويا واغلى الأصحاب ..
الوداع بقولهالك ومش عاوز أسيبك ...
كنت حبيبى وأنا كنت نصيبك ..
ومش بأيدى أروح أنا وأسيبك ...
لكن الدنيا غداره وبتظهرلك عيبك ..
آه يا دنيا ملكيش أمان ...
بتحرمى أخ من أخوه وحبيب من حبيبه كمان ..
وبتأسى على قلب كان بالخير مليان ..
الوداع يا أحلى الناس ...
يا قلب صافى زى الماس ...
مليان بالحب والأحساس ...
الـــــــــوداع ....
بقلـــــــم: عـــــــادل الشــــــــهــــابى
إرسال تعليق