فـــــــــــــــــــــــــــــداك يانــــــــــبي
--------------------------------------
جدي كبر ف السن بقي له زمان وزمــــــــــان
ساعات بينسي كتير وسالم من التوهـــــــان
صاحي النهاردة يصوت مال النبي زعــــــــلان
قال انتوا السبب ولاحد برة جــــــــــبــــــــان
ولا كفار الزمان رجعوا وعبدة الاوثــــــــــــان
فطمني يا ابني ماله النبي العـــــدنـــــــــان
بصراحة ياجدي احنا اللي دينا هــــــــــــــان
جرينا وري الدنيا نلهث بكــل لســــــــــــــان
الكدب والغش حرفة سيدهم البهتـــــــــــان
احنا السبب ياجدي فاللي جري اوكـــــــــان
بعنا الكرامة والرجولة بارخص الاثمــــــــــــان
الكره بالشوالات والغـيبة بالاطنـــــــــــــــان
شوفت الجوامع ياجدي مليانة في رمضــــان
لكن في ليلة العيد بنقفل البيبـــــــــــــــان
ونرجع نرقص نغــــني ونبـين النـيبـــــــــان
بلاش اكمل ياجدي ولا اقولك كمان كمـــان
ومش عايز ياجدي يبقي النبي زعــــــــلان
وعشان كدة ياجدي اتجرؤو الجـــــــــــرزان
حطـــــوه في صــورة تنزل دمعـة الحيــران
خنــزير وقــــرد ظـــهروا يسـيؤ للاد يــــان
لكـن تصـدق ياجدي دولا فوقــوا الغفـــلان
مـن غـفلته قـــــام يوحــــد الرحــــــــمن
ويقول فداك يانــبي ياهـــادى للاحســـان
كلمات /محمود عمارالزلبانى
إرسال تعليق