" مجرد حالة "
فى بلاد هسقيك م المُر إحفان
غصباً عنك من غير ما تقول تان
شعبها غلبان غارق فى بحور الاحزان
شاف من العذاب اشكال واحجام والوان
والغلابة كانوا رصيف تِمشى عليه الأعيان
والعُلما طفشوا لبلاد أدى دقنى ان شوفتنى تان
والفلاح الكادح قالوا عليه تهمته عرقان
وإسمه إتحول لشتيمة لو حضرتك مِش چنتل او چان
والثاير فيها راح يا وِلداه فى خبر كان
متر فى متر قالوله براح تشكى ليه ضيق المكان
وكمان مش عاجبك لا الحاشية ولا السلطان
فى بلاد هسقيك م المُر إحفان
كُل إشرب نام . لكن مِش من حقك تعيش إنسان ...
بقلم / على عمر
إرسال تعليق