بقينا اتنين
بعد ماكنا شىء واحد
ليه دلوقت نبقى اتنين
زمان عشنا حياتنا بود
حنان وأمان
نخاف على بعض
ليه العند ليه الصد
ليه مديت ايديا بورد
ليه بغدرك يكون الرد
ودمع العين
أنين على الخد
وأنا اللى محبتش زيك حد
بقينا اتنين
زمان ... كان اللقا والشوق
مشاعرنا ...
خدتنا لفوق
قلوبنا ... عايشه افراحنا
ليه ...! ..
بجراحنا منها نفوق
بقينا اتنين
قلوب عايشه ومش شايفه
من المجهول بقت خايفه
كتير عايشين فى غربتنا
بشوق نتمنى فرحتنا
لقينا الحلم بيقرب
وروحنا مننا بتهرب
وناس للقلب بتجرب
بقينا من الحب نتكهرب
نقول أحباب ...!
نلاقى سراب ...!
بقبنا عايشين
فى بحر عذاب
فى وسط الناس
لكن أغراب
ودنيتنا
فاتت لنا جرح وسابتنا
بقينا اتنين
بقلمى ---- عادل على
إرسال تعليق