**********آه يا قلبي**********
آه يا قلبي من كتر الوجع
مش عارف ايه بيوجعني
أشكي لمين الوجع
مش لاقي حد يسمعني
لما سألت الودع
ليه البشر بتخدعني
شوفت في عيون الودع
كلام كتير بيوجعني
طبطب عليا الودع
و قال ياريت تودعني
نزلت من عيوني الدمع
علي خدي نار بتكويني
قالي كلام الودع
ذود آلامي و أنيني
مكتوب عليك يا جدع
الحيره ويا العذاب
تعيش سنين في الوجع
ما تلاقي يوم أحباب
آه يا قلبي
***بقلمي/ عبيد رياض(عبيد آل. حريقه)***
********************************
إرسال تعليق