(كتر الكلام )
متوسمين فيك الشعوب
تقدر تأدِّن ف الملا
زى الديوك
فرنسا عبَّت صدرها
مع غِر أحمر ظنِّنا
إنُّه شريك
بيبعتروا مرة هنا
مرة هناك
تهديد بيوعد بالهلاك
مع إنهم من غشمهم
ماعرفوا مين بيهدُّهم
كتر الكلام
من دون دليل
أصل الهوا
بخرَّج هوا
كوِّم وشلَّأ كالنوى
ولول وقول
مفيش زمانا منطقة
الشمس لم تغرُب عليها
ولا فى عقول تقدر تقول
ها اخلِّى عاليها وطيها
الحكمة شجرة ضلَّها
للى بيحكِّم عقول
البرد غول
والحر غول
والجو غول
والبر غول
والبحر غول
والدم قارة محرَّمة
للى بيدوَّر يِصيد
الدم بنك الانسانية
مفيش سيادة أو عبيد
الدم روح للى خلَق
مش لوحش من قيوده
شقَّها وراح انطلق
الدم دمى ودم أمى
ودم اخويا
ودم باجرى ف الفلق
حدِّد حروفك لو سامحت
لو ميت أجندة
بروباجندا
ما يهمنيش غير الصداقة والاخوة
والطير على غصن الوشوش
ما يهمنيش ما دمت صاحى
فى الضمير
ولا يوم يخض ف صدر قلبى
الإتاوة واليميش
واللى ساكن ف القصور
لا الوان بيوت أبيض وأحمر
أو كِنيس
أنا مستحيل طلقة كلام
ها تخلى قلبى يوم تعيس
أنا نسمة حيَّة نسِّمت
من دون رشاوى ف الخفاء
أو شنطِةْ تلاعب ع الموائد
أو كعكة تِتقسِّم طقوس
لو كنت باتفكر معاك
نووى وسلاح
أنا عندى ربى واليقين
مع إنى عادد ما استطيع
لو يحتمنى الكفاح
صرَخ وندِّد
بس حدِّد
قبل الغيوم ما تكون وبال
فين انت رايح
أو فين انت جاى
وابتعد عن ضرب واسع
فى الخيال
الحكمة تعرف إمتى خيلك تمتطيه
وفين المجال
عينك وعقلك
قبل ما تجُرَّك عواطف
وتضل تحت أرصفة الخبال
إرسال تعليق