هي مالها ضاقت اوى كده لييييييييه
مش لاقيه اى فكرة مش هاعرف اكتب حاجة تانى يعنى
مش هبقى شاعرة تانى خلاااص
يبقى لازم اعتزل موضوع الشعر ده
انا هروح افتح شركة تجارية
ألووووووووو
ايوه يا فندم
شركة هناءكو لبيع الأخلاق المحمدية
والقضاء على كل آفة خلقية
والدعوة الى تغليب المصلحة العامة قبل الشخصية
وتوحيد كل الاطياف البشرية
سنى ، شيعى ، ليبرالى ، علمانى
أفريقى ،أسياوى ، يمينى ،يسارى
استرالى،أمريكى شمالى ولا جنوبى
كله يقع تحت مفهوم الانسانية
لدينا عروض كبيرة فى الكلام والمواضيع الادبية
شعر ،نثر ، خواطر ، ثناء او حتى رثاء
من أجل اعلاء الراية البيضا السلمية
لدينا آلية
للتخلص من كل العادات السلبية
العدل يحل الأزمة النفسية
التسامح يقلل من السكر والضغط والأزمة القلبية
الشرف والنزاهة للتخلص من الأزمة الاقتصادية
الشغل ليل ونهار يوفر فى سيولة نقدية
عدم الاسراف والتوفير فى الميزانية
من أجل التعليم والحالة الصحية
أولادك تبقى عقول ناضجة وعصرية
ولكى تنال الثقة احرص ع التوضيح والشفافية
وأخيرا نسعى لتوضيح مفهوم حقوق الانسان والحرية
واسقاط كل ديموقراطية متعاصة بالدم او بالعصبية
فكرة جميلة وذكية
انا هشترى لأولادى والعيلة والجيرة
ولأهلى فى قبلى وبحرى وفى المنوفية
والمفاجأة الكبرى
لو صليت على سيدك
تاخد عشرة هدية
..................
#هناء_رضوان
إرسال تعليق