خيوط الامل
========
في امل بكره هي نتلاقا
تا خبرك شو صار
وقديش روحي بصدق مشتاقا
تا نكمل المشوار
نسرق فرح ونْطير
بجو الهوا عصافير
الله خلقنا بهالدني احرار
عم ظل ناطر بس تا تطلي
مع بسمة اللولو
وقديش لما ترجعي تفلي
الساعات بيطولوا
بينبح موالي وبضيع مع حالي
وافكار تتسابق مع الافكار
لا تقطعي خيوط الامل فيي
وانتي الامل ذاتو
بهالكون ما حبك حدا زيي
وهالحب وحياتو
ما تغير ولا يوم حتى بعز النوم
بكتبلك الاشعار
في امل بكره هيك نتلاقا
تا خبرك شو صار
===============
اغنيه كلمات راضي يوسف مشيلح
فلسطين
إرسال تعليق