هحكلكوا حكاية صغنونة حصلت معايا
حكاية امتحان حاسب وغيره كمان مادتين
سافرنا بالساعات والكليوات اكتر من 80
والنتيجة كانت عذرا لكل السادة الحاضرين
السيرفر عنده الضغط والنت خشونه فى الركبتين
عودوا الى دياركم بدرى بدرى سالمين
واستنوا اسميكوا اكيد تانى نازلين
وفعلا روحنا والنتيجة كانت بالتوفيق ناجحين
تفتكروا بعد كده هيكون فيه تعيين
الله اعلم الحمدلله فى اى الحالتين
بس على العموم هما الخاسرنين
دانا كنت ناويه اعمل فيها طه حسين
أشيل و أحط و أبنى وأهد واصلح فيها سنين وسنين
كلى نشاط وعندى امل ونيه وهدف وشوق وحنين
اشوفك يابلدى فى صحة وعلم وغنى عن العالمين
بحبك يابلدى يا ارض الحضارات ومهد الديانات
واهلك فى رباط ليوم الدين
اكيد بتقولوا ايه اللخبطة دى دا كلام مجانين
تب وايه الغريب ما هو كدا دايما حال المبدعين
ولا لسه مش حاسين مصيبه لو لسه مش عارفين
أسك الفيس واقفل النت وأبطل كومنت
واعود الى تانى صفوف الصامتين
تب خلاص خلاص هرجع افتح بدل الفيس اتنين
واحد نكدى والتانى كوميدى حبتين
بس صلوا على امام الحق وسيد الخلق اجمعين
ومن ارسله ربى لنا قدوة فى الدنيا والدين
ما هو ربى قال لا تفرح ولا تقنط وكن من المعتدلين
واما بنعمة ربك فحدث وكن من الشاكرين
وسبح بحمد ربك وكن من الساجدين
واذكر ربك كثيرا واصبر صبرا جميلا تكن من الصالحين
واعبد ربك حتى يأتيك اليقين
اللهم صلى وسلم وبارك على سيد المرسلين
.....................
هناء رضوان
19/12/2014
إرسال تعليق