ياه ه ه ع الحب
ياه ه ه ع الحب ياه ه ه
أسمي حاجة ف الحياة
لو قدروه كل البشر
أو عرفوا أوصافه ومداه
الحب إحساسه جميل
مش محتاج كلمة ودليل
اللي عايشينوا يحسوا
بيه بالنهار وكل ليل
إحساس حقيقي بالحياة
بحر ما يعرف منتهاه
ساكن قلوبهم ميغادرش
عارفينه نعمة من الإله
الحب كله غنا وأفراح
وهنا ورضا وعطا وسماح
ولا فيه بكا ولا لوم وجراح
اللي يخاصم أو يسيب
عمره ما يبقي حبيب
ولا حسه يوم ولا عاش معاه
ويرمي لومه علي النصيب
اللي بيحسه بحقيقي
يحفظه ويكون بديهي
إنه يتحمل ويصبر
ويقول مفيش غيره حبيبي
ياه ه ه ع الحب ياه ه ه
عندهم كل الحياة
اللي عرفينه بجد
عمرهم فاضلين معاه
كلمات / الشاعرآسر فاروق طرباي
إرسال تعليق