مالك يا قلبي كده .. *هشام احمد جوده

 

هشام احمد جوده

 

مالك يا قلبي كده ..

ما تصحى و تفوق ..

هو انت ليه دايما كده ..

غاوي بالنار تنكوي ..

وغاوي الحروق ..

سيبك بقى من الخيال .. من الاحلام ..

ورجعت تاني ليه بتصدق كل الكلام ..

كل الناس شايفة المية بتجري لـ تحت ..

وانت الوحيد اللي شايفها طالعة فوق ..

اصحى وفوق ..

امال لو مكنش فيك ميت علامة ..

كنت عملت ايه ..

ولا عمرك فـ مرة .. عدتها بسلامة ..

بتعذبني ليه ؟

ده انا ياما نصحتك وحذرتك .. وياما

وفـ كل مرة بتعتذر وتقولي اسف ..

وانت ذنبك ايه ؟!

ده ذنب الشوق ..

اصحى وفوق

بقلمي : هشام احمد جودة