عاوزه حب*خالد الكردى

خالد الكردى

عاوزه حب

قلبي منك لسه خايف

لسه مستني علامه

كلمه طالعه م الشفايف

كلمه طالعه بابتسامه

مش كفايه تقول بحبك

نفسي اطير زي اليمامه 

نفسي احس انا بالامان

لما اكون وياك ياعمري

نفس ادوق طعم الحنان

والقي حبك جوه دمي

لما اغمض عيني مره

والتقيك جمبي ف حضني

تبتسم وياك عيوني

وانت بالاحضان تاخدني

والقي نفسي ف دنيا تانيه

واحسب العمر ف ثواني

كل لحظه وكل ثانيه

احس فيها بعمر تاني

عايزه حبك مش كلام

حب اشوف فيه الامان

عاوزه حب

كلمات

خالد الكردي