كداب
كداب بتوعد وبتخلف
والكدبه باينه ف حلفانك
وتعتذر وانت بتحلف
والقاني صدقت كلامك
يادوب يعدي علينا يومين
وتغيب وتكدب من تاني
تضحك علية بدمعة عين
وترمي نفسك ف احضاني
واصدقك واقول يمكن
ظروف كانت صعبه شويه
علشان لقلبي بتتمكن
وبرضه ماتهونش علية
وف مره شوفتك مع غيري
وحاولت اكدب ف عينية
هجرت عيشي بقي ياطيري
كسرت بعدك انا الغية
خليك بشوقك وبراحتك
هتجيني وجناحك مكسور
والعيب علية انا طيرتك
لافت عليك وعرفت تدور
كداب
كلمات
خالد الكردي
إرسال تعليق