ضيعـتوا فرصة من دهب
حكم مصر أغلا من الدهب
مش ح نسيبك يا عـطب
تنهش ف كرمات العـنب
ف بيروت 00وف حلب
بكل حقد وتفاهة وغـضب
وتقطع جذور النخل
ف حضن النجف
ف الخليج00 وف الحرم
يا أبو عـقل جاف
مليان عـجف
وتدهس ف أغـصان الزيتون
بعـنصرية وبجنون
ف فلسطين واليمن
وتدبح خضار تونس وليبيا
وتطمس ملامح أرض
قام فيها دول
وتسرق كنوز الشرق
فى وضح النهار
يا جماعة عـلل
تاريخوا مليان بالفشل
كنتوا زمان بتستخبوا فينا
وكنا بنخبيكوا ف هدومنا
وف بيوتنا
وف عـنينا
وبندافع عـنكوا ف قنواتنا
وجرايدنا
وساعات بإيدينا
كنتوا منا00 وكنتوا فينا
وعـشانكوا ياما حبسـونا
ليه إنهاردة بتظلمونا
ليه بتقتلونا
شمتوا العـدو فينا
ولا إحنا إللي إتغشينا ؟
ونمنا عشانكم وإتغطينا
وحسينا تجاهكم بالحنان 000000 0
وأتريكم جيين تسرقوا الأمان 000 0
الشاعر / رمضان فؤاد السيد وفا
عضو إتحاد كتاب مصر
إرسال تعليق