...........
علي الربابه بيعزف ألحان
وملامحه إبن بلد أصيل
جواه البساطه والإيمان
راضي بحياته وبالقليل
الضحكه في وشه عنوان
وطموحه بسيط معقول
لقمه وهدمه وعدل وأمان
ونسمة تروي كل عليل
بسمة شفايفه عطر ريحان
يفوووح لعنان النخيل
عايش حياته كلها شقيان
وع الربابه يغني مواويل
قلبه أبيض وجواه بستان
ميعرفش غل ولا تهويل
الله يرحمك يابا من زمان
زرعت جوانا حب النيل
والخير يملا كل الغيطان
ومنعرفش كلمة مستحيل
...........
إرسال تعليق