........................... لما يحن عليا الوجع ...........
لما يحن عليا الوجع
ويمسح دموع عيني
ويندهلي كمان البجع
ويطبطب علي حنيني
والقا اللي راح رجع
لما هربت مني سنيني
صعب عليه حالي
وجاني يواسيني
حس باللي جرالي
وسمع نبض أنيني
وانا حياتي محسوبه
مش بأيامي وعمري
طوبة فوق طوبة
في حضن شجري
قد ايه عشتها مكتوبه
وفي أحلامي بتجري
عمرها ماكانت إكذوبه
وانا بليد من صغري
و عمري ما إتعلمت
إلا لما الألم شيب شعري
..............................................
....... الشاعر حسن الشوان ..........
إرسال تعليق