سلاسل نار
****************
ياحسرتها اللى ضاع منها فى وسط زمان
مدفيها العذاب والذل وضايع منها ألف مكان
سلاسل نار - علل ومرار - وكاس الصبر والأحزان
وتسأل إيه يقولوا الدم كان سايل مع الشُبان
مابين الغدر والطيبة تبان أسوة بنى الإنسان
رواية غريبة وعجيبة وفيها القتل بالمجان
وتسأل فين ترابك راح - يقولوا ضاع مع الحرمان
لا لونه هو نفس اللون ولاشكله الحقيقى يبان
تدوس على أرضها الطاهرة وتفرك بذرة الرُمان
تلاقى البذرة طرحت شوك بيقتل بس فى الشُجعان
ووسط زمنا يجى الموج ويخفى من التراب فدان
وحتى الموج صبح لونه بلون خافت عديم بهتان
محمد سالم
إرسال تعليق