أغنية...ولعت شمعه
يا حبيبتى...
فى عيدنا...
ولعت أنا شمعه...
قلبى قالى لاء...
دول شمعتين...
دى الذكرى التانيه...
على فراق الحبيب...
عشناهم أن و أنت بالتنهيد...
و مرو علينا...
و لا كأنهم من السنين تلاتين...
قمت بصيت فى مرايتى...
لاقيت شحب لونى فى وشى...
و بان على الجبين...
و لا كأن سنى...
بقى فوق الستين...
ليه ياحبيبتى هجرتى...
و ده سؤال ياريت...
انتي تجاوبى عليه...
و بفراقك عن عينى...
سببتيلى ألم شديد...
ده الصبا فينا لسه فى بدايته...
و كنت بأحلم...
أتهنى معاكى فيه...
و يا حضنى دافى...
مليان حنين...
ذكريتنا لسه فى عقلى...
حاولت أخبيها...
عن قلبى كتير...
فاكرها باللحظه...
وشايلها فى مكان أمين...
لما بتعدى اللحظه...
دى فى بحر الذكرى...
و لما أفوء منها...
يكون ظهر القمر...
فيها بدر مرتين...
ترتعش كفوف ألأيد...
و لا كأنهم لسه لمسين...
خدودك الموردين...
و بالحب دافين...
يا دوبك بس من دقتين...
و هما فى عمر الزمن سنين...
و بعدها ألمسى مخدتى...
وكأنهم بيحاولو...
يلمسوكي انتي...
من تانى يا نور العين...
و لسانى يلمس شفايفى...
على بالى أن شفايفى...
لسه واخده منك بوستين...
طلع من جوا حلقى...
عايز يلحقله نقطة شهد...
باقيه منك لسه على الشفتين...
و العين بقت تبكى من ألأتنين...
دمعه واحده منهم...
بألم الندم على فراقك...
و الدمعه التانيه...
مصاحبه فرحه...
بمجرد ما بتشوف...
طيفك مرسوم...
علي الحيط و فى نينى العين...
أناجيكى بأيه تانى...
ده الهوى اللى المسرى...
بينا واخد منى تنهدين...
تنهيده على حبي...
وتنهيده فيها سلامى...
يوصلوكى مع سلامى...
فى سكون الليل...
ده يا حبيبتى...
فى عيدنا...
ولعت أنا شمعه...
قلبى قالى لاء...
دول شمعتين...
دى الذكرى التانيه...
على فراق الحبيب عشناهم...
أن و أنت بالتنهيد...
و مرو علينا و لا كأنهم...
من السنين تلاتين...
قمت بصيت...
انا فى مرايتى...
لاقيت شحب...
لونى فى وشى...
و بان على الجبين...
و لا كأن سنى...
بقى فوق الستين...
مع تحيات شاعر الوجدان الشاعر السكندرى/ علي الطاووس 
إرسال تعليق