آخر جواب من خطها
عمره بقاله كام سنه
كلمه حبيبي ..وحشتني
مكتوبه بعد البسمله
وكام حرف برا الابجدي ال أعرفه
رسموا سطور العشق جوه مقدمه
بعد التحيه والسلام
واشواق ما ليها حد
انا زادني خوفي م الكلام
في آخره....... أما بعد
.
خليك محاط بالخبر يمكن متعرفشي
اخويا جاي م السفر ولا عدت يوم همشي
يعني وصالنا ف خطر وخايفه مادمشي
وابات اعاني السهر عيني ماتغفلشي
.
شوفلك طريقه قوام وحلها بالذوق
لا بحاره همشي خلاص ولا سطح هطلع فوق
.
بعد الختام للكلام قالتلي ملحوظه
اسمع خبر ومعاه ختام لكلامي
اليوم زارتنا خالتي الحاجه محفوظه
عاوزه تاخدني عروسه لابنها سامي
وفرحت امي وقالت يابت محظوظه
كسيب وحيله ولا فيه شريك تاني
.
وقالت سلام ...كلمه واحده شوفتها
مليون سلام ومعاها نزلت الستار
كانت نهايه المر بان من طعمها
وانت مع المكتوب مشيت ولا ليك خيار
.
آخر جواب مضمونه كان واضح اكييد
معناه وداع ودمعه ع الحب اللي كان
منقوش علي سطور الورق بخط أييد
محبوب وساكن حينا وابن الجيران
.....................وخلاص
إرسال تعليق