{ كل الناس بهمومهم غبَّـى }}}بقلم/سمير محمد

{{{ كل الناس بهمومهم غبَّـى }}}
:
:
طار النـوم مـن عينـى
و النِنِّى الرمش جارحه
وصاحب الدين يلاقينى
مهموم مأدرش أصارحه
إن عينه جت فى عينى
يتألم القلب ويغور جرحه
ﺁﺁﻩ ياحطان خبى ودرينى
هربان مـن حزنه وفرحـه
والهم علىّ تقيل ومعبى
:
قاللى تعالى ليه تتخبه
الدنيا جميله وعيش اللحظه
غير حالك روّق حبه
وغير دمعك لدموع الفرحه
كل الناس بهمومهم غبَّى
وتلال الهم عليم صبه
والدنيا مهما طالت زايله
والمتغطى بحيطته مايله
هم بسرعه وجافى دموعٍ سايله
:
أنا بشكر ربى فيك يازين
وتكون صلاتنا ببعض حميمه
وبدعوا يبعد عنك هم الدين
عندى من الاولاد خمسه
عايزين ياكلو ويلبسو زين
وانا كنت صغير خدتنى التوهه
ومعمالت حسابى للزمن الشين
ولا كان للساعه دى حوشه
ولا كان بين نخلاتى بين
وركبت البحر وخدتنى الموجه
وضاعت المرسى ما بين موجتين
:
بقلم/سمير محمد