هنبص لكن *نسر الإلهام#

هنبص للبد اللى
بقت بظرميته

اللى مالوش فيها
بقا هايص فى الزيطة

واللى معلم ياعينى
إتركن جنب الحيطه

قوليلو يا حيطه .
العيب فيه ولا فيهم

اصلى إحترت
وشكلى هقول الحق
ليهم

وانو هو اللى غلطان
قاعد يتكلم عليهم

ليل ونهار
ماراضيش يتهد.

ايوه الكلام ده
جد الجد

اصل انا شايفه
مش زى حد

حماسه عالى
بعلو السد
وده غلط.

طب قولولى.

ايه المانع ان الفار
يحارب أسد
وكمان يغلبه
بس أمانه بلاش حسد

أصله غلبان
وعلى قد حاله

والهم ساب الكل
وليه هو جاله

امانه لما تبصوا للصوره
بصوا بالمقلوب

بصو للى إتغلب
بصو للمسلوب

بلاش تبصوا بصة
ناس ماعندهاش قلوب

الضعف خلاص كده
والفعل بقى يدوب ...........

الخوف كفاية كدة
والفعل بقى يدوب.
...........
هنبص لزمن
مات فيه العَلام

نسينا مجدنا
وقولنا على
الدنيا السلام

علمونا فى الكتب
لازم نتكلم

ولما اتكلمنا
قالوا دا شىء حرام

طب ليه تعلمونا !

ما دام اللى
هيتكلم مننا ملام

كفايه بقى غش
ويا ريت!!!!!
تحررولنا الكلام

........
ملينا يا زمن حكاوى
كفايه بقى كده

سيبنا نعيش فى هنا
ونقول من قلبنا رضا

وهنيالك اللى عملته.
وليك مننا فيه السماح

بس نعيش أيام الهنا
وندوق الليالى الملاح

*نسر الإلهام#
من قصيدة هنبص لكن

الأكثر زيارة