كراكيب افكارى خانقانى
وبتعد دقايق وثوانى
وبترجع زى الاول من تانى
تزاحمنى فى فرشى والشوك غطانى
والفرش بالشوق هربان منى
وسايبنى بردان من الوحده فى
عز الليل والصحراء بتنادى
ظل الشجره يونسها
والعيب بصحيح لو رحت
ولو مره تانسها
وتهديها ورود
وتفضل مشدود على عود
وتتمنى ان الصبح الفايت
ممكن فى يوم مسعود انه يعود
واتمنى الليله الجايه
الاقى صاحب فى الغيه
ونرجع نعزف اغنيه على عود
ونتعارك بهزار ونلعب بالنبوت
وتبص بهيه وبعين قويه
وبتحكم وبتتحكم فينا
وانا قصرى مكشوف
والغيط الناشف على بوص
بيحلفكم اعملوا معروف
بصوا لى شويه
وكفايه تنهيد
ومصمصه فى شفايف
وفرك فى ايد
وسيبونى ارجع للكراكيب
/////////////////////////////
بقلم ///محمد العليمى////
إرسال تعليق