زجل بقلم
---------
----------
كمال مسرت
----------
=========
من الجْنان السايبْ قطفتْ معاني و حروف
نكتب القوافي بمداد الخوف
ساد الفساد و بدات فــْ زْرِيبَ لَمْلاطْما
الضمير دفنوه زمان و تغسلو الكفوف
لا من يهمو حالي ، يرحمني و إروف
و إسرح بـْ صْفا حمل الرفوف المزاحما
السياسَا مراجلَ ، مضاوْ فينا السيوف
ظنونا طرايد و ثمار قطوف
آه ضيعتو نسيم الإنسانيه ، فين لمْوالْما
الضمير غاب دون شوار ==== و دهيم الفساد ساد يا إنسان
آه العقل فـْ حالكم حتار ==== و صاب الغيار كفوف الميزان
علام الإنسانية تنكس بـْ نهار === بين غمام و رعود الطغيان
كل باب نقصدو قْبالتو شْلا صفوف
الداخل واجل و الخارج منتوف
يا أهل الصدق و الموالفَا ضاعت فينا المراحما
كسرو القفال و شرعو الدفوف
الذياب الضاريا ما ترحم الخروف
نَبْرَتْ القمع فــْضياعنا يا ناس مساهما
حكم يا القاضي نسمع و نشوف
الضمير من بين سطورك لونو مخطوف
القانون بعد قرايتو صبح مخاما
لا تعليم عندنا ناجح إنور الأبصار ==== ما بقا لنجالي فـْ صفوفو مكان
آش يا مولاي من شعبا ليهم نختار === الجهل و النور عندنا سِيان
العقل بين العام و الخاص حتار=== ضيعونا الساسا ،باركوهم يا العيان
طال بيا سقامي و بين الطبا نطوف
جيبي خاوي ، وجهي معدوف
المعارف و الرشوة لحقوقنا هادما
خِيرنا من نبعو الصافي مرشوف
اقتصاد الريع لعبو مكشوف
لمن نشكي همي و نحمل لمظالما
نهب خيري صامت بالعيان نشوف
زادو الشحما فـْ ظهر المعلوف
لا تكلم لا تعادي و لا تنادي عراش المخاصما
ضمير الناس تباع ==== بنداست بخيس الموالي
حقي فـ ْ ترابي ضاع === لمن نحكي حكايتي و هوالي
الفساد فـْ البدن شاع === نبرد جماري بقوالي
إرسال تعليق