( 1) [ قول للتراب]
قول للتراب اللي ضمك
وشيعة مرسال.....
اني اكيد جيلة
ويضمني ياخال....
ووصية لية بلغة إني
كطير في الحياة
وقلبي لسة خضار
بينة وبين اللي خلقة
دايما عمار ووصال
.وصية امانة يااخال
يرحم بدن اتفرم في
الدنيا فيها تاااه
وأن الوجع عودة يكتم
في حلقة الأه
واني برغم المعافرة
عبد فقير الحال
رغم اختلاف الزمن
والعمر والأجيال
يجمعنا حرف اتكتب
مخلوط بدمع
الأسي وسنين حاملها
الشقى والغربة والترحال..
عشق التراب والبلد
وناسنا والاوطان
حاملين هموم الولد
والأهل والخلان
هو اللي جمعنا وفي
عشق ام البلاد
يجمعنا ميت موال
وسمارنا كان مشترك
مرسوم بطينة
بلادنا ونيلها اللي ترك
لونها علي خدودنا
ماهو ميراث م الازل
سبهولنا اجدادنا
امانة ويعينا
محمل الاحمال
لكن مرار في الجوف
وحسرة ع اللي كان
عايشين في وسط الخوف
نتمني فيها زمان
والطيبة ايامكم
واللمة والاحسان
شيفاها عيني محال..
والله رغم العذاب
وظلم سجانكم
ونضال بحرف اتكتب
كان هو اسركم
.لكني حاسدكم .
.واترجي في زمانكم انة
يعود في الحال.
ولانعيش في المسخ
والتوهة والتوهان
ووشوش بتتلون
والحق بأيدينا
صنعنا لية سجان
وكل شئ اتخلط ماسخ
علي بطال
لا اخ عاد نافع ولا اهل ولا خلان
ولا هناك صاحب
ولا قلب ولا انسان
جسر المودة اتهدم
وماعدش فيه جدعان
بالكدب راح واتهال ...
فضفضتلك همي
معلش من غلبي
ماانا اب من ملايين وهمهم
واحد ازاي في وسط الوحوش
ورغيف مابنطلهوش
نقدر نربي العيال .
...بكرة نكمل ياخال
وحروف من الفضفضة
تعمل ميتين موال
إرسال تعليق