{{{ بالأمس مات صاحبى ياسين }}}
يا واد ماراح شبابك
والحرف هو اللى فاضلَّك
وف سوق المواجع
إحكى و أكتب قدر سنك
أكن ياواد منتش عارف
ءآن إلأون والقبر يشاور لك
بالأمس مات ياسين
حبيبك اللى كان بيحلق لك
م خلاص العود مال
وولادك بدعاهم اللى بقين لك
كم من صحاب غدروا
ولا حتى سألوا النسمة عنك
القبر هو المكان
اللى ما كان يوم فى ظنك
أنظر لوجهك طرح الزمن
لقاح الشيب وطاف غصب عنك
ضاعت سنين عمرك
وانت باحث عن المجهول
كاتم جواك وبتخبى
خلاص إتكلم وبوح بالقول
واسئل نفسك ليه الأسى
هترد طبعاً انت المسئول
بعد مافرط قرط عمرك
وتفرَّق أصبحت أنت المسئول
سنين عمرك إتجمعت
خلاص عدد الثوانى إكتمل
ومال الغصن على عوده
وما عاد العود يحتمل
جفت الأرض عن سيقانه
والغيث له زمان مانزل
إيه الكلام ده
مش ممكن يكون ده كلام ليك
معناه نويت ع السفر
يا أخى بعد الشر عليك
بكره تشفى
وبكره يفرحوا أحفادك بيك
اللى زاد الألم عندك
صاحبك حبيبك اللى مات
إدعيله من قلبك
يرحمه ربنا ويهون عليك البعاد
هو فى حد
يختاره ربنا وهو يختار البعاد
حكمه والله
وحكاية تشغل اذهان العبـاد
13 /أغسطس /2015
إرسال تعليق