زمن النفاق
زمن النفاق إترسم
فوق الوشوش كام لون
لوحه مصيرها إتحسم
والسعر كام مليون
بركان بيخرج حمم
وطريقه كله ظنون
يخفي معاني القيم
يحفر طريق ملعون
يعدم ضمير الأمم
والغالي كله يهون
واللي معاه التمن
مسموح له نشر العفن
واللعب فوق المحن
بالصوره والمضمون
ويشيل كمان في الكفن
لايهمه حب الوطن
ولافارقه إنه يخون
سوق ومليان بالغنم
بوجوه بشر زي الصنم
يتلونوا بلون العلم
فين القمم ماتكون
لا يهمهم حد إتظلم
ولا حتى يتهد الهرم
ولا دين ولازم يحترم
بيهمهم بس الزبون
شاطرين في نشر الفتن
والوغز ف الودن بحقن
بيلوثوا حتى اللبن
راسمين وشم مدهون
حلوا الوضوء بالجزم
وكمان بخنث القسم
أفتوا بصلاه للوثن
وزكاه على المجنون
باحوا الزنا والدم
والرقص فوق الغم
خلوا الفجور يتشم
زي البهار ف الهون
رافعين شعار الآلم
والطبل تحت العلم
فاكرينا ليهم خدم
فرضوا علينا قانون
بقلم
إرسال تعليق