** حُبـــى مـش تســـالى **بقلــــم: عــادل الشـــهــــابى

**** حُبـــى مـش تســـالى *****
حبيبتى حُبى أنا مش تسالى ...
ولا لعبه حبيبتى فى أتارى ...
ولا امتلاك لقلب خالى ...
حُبى ليكِ حقيقه ..
سكنتى قلبى من أول دقيقه ..
عشقتك وعشقت ضحكتك ...
وعشقت حتى حبيبتى دمعتك ..
وأتمنيت أكون كل دنيتك ...
حبيبتى متفكريش حُبى ليكِ كلام ...
ولا سهره على النت والسلام ...
ولا مجرد حلم من كتير أحلام ...
حبيتك بكل ظروفك ...
وحلفت أشيل عنك خوفك ...
صدقينى حبيتك من قبل ما أشوفك ...
وأتمنيت أكون عنيكى حتى وكفوفك ..
حلفت أكون ليكِ الأمان ...
اللى يصونك من غدر الزمان ..
حبيبتى بلاش اللعب بيا ...
ولا فى يوم تكونى سبب الدمعه فى عنيا ...
أنا اللى قلبى ليكِ أختار ...
وبلاش قلبك يكون غدار ..
مش عارف ليه أنا قلبى خايف ..
خايف حُبك يكون مجرد كلام على الشفايف ..
حبيبتى لو حُبك ليا مجرد نزوه وهتروح ...
هتكون سبب فى أن جسدى هتفارقه الروح ..
حبيبتى أنا منتظر قرارك ....
هتكونى لقلب باعك ولا لقلب أختارك ..
قلب يتمنى يكون سكنك ودارك ..
حبيبتى حُبى مش تسالى ...
ولا لعبه يا حبيبتى فى أتارى ...
بقلــــم: عــادل الشـــهــــابى