ماتتغريش
ماتتغريش بجمالك
مع العمر الجمال بيروح
ح تدبل كل اوراقك
ويبقالك حلاوة الروح
ومهما الكل غنالك
وساب ورده على بابك
ح يتغير ف يوم حالك
وريحة العطر مش ح تفوح
ماتتغريش ده شيطانك
مابيصدق يشوف مجروح
وخلي الكلمه ف ودانك
ده مش كل الكلام مسموح
سنينك بكره ح تعدي
يموت الفل من بدري
وخدك اللي كان وردي
مع الايام ح يبان بقروح
ماتتغريش
بقلم الاديب // طارق شامخ عبد الجواد
إرسال تعليق