أقدار
كل شىء فى حياة الأنسان أقدار ...
صدقنى حتى الليل والنهار ...
ومحدش لقدره يقدر يختار ..
عيش حياتك وبلاش تتعب من الأفكار ...
بيسألونى يا ترى الزمن غدار ؟....
ومعقوله فى يوم اللى بنيتوا ينهار ؟.....
قولت كل شىء قدر ومحتوم ....
حتى الفرح حتى الهموم ....
حتى لو كساها السما الغيوم ....
قالوا عن الأقدار قول وزيد ...
قولت كل شىء قدر حتى السلام بالأيد ...
وحتى بين الحبايب كمان المواعيد ...
وقالوا إيه تانى على القدر بيمر ؟....
قولت السعاده حتى كمان العُمر ....
قدر وملناش فيه حيله ...
إن كانت مُره الحياة أو جميله ...
قدر وبنشوفه حتى لو فى وسط العيله ...
لازم تسلم وترضى بالمكتوب ....
إن كنت غالب أو حتى كمان مغلوب ..
أصل كل شىء من يوم مولدك مكتوب ..
القدر بأدين الرحمن ....
أطمن وفى يوم متكونش زعلان ....
ولا هى دى طبيعه الأنسان ؟.....
مش طالع بأيدك حاجه تعملها ....
حتى المايله مش ممكن فى يوم تعدلها ....
عيش حياتك وخليها على الله ....
وبقلبك وجوارحك كون دائما معاه ...
جرب وشوف الهم هينساك وتنساه....
بقلـــــم: عــــــادل الشـــــهـــابى
إرسال تعليق