وجعك بيدخلنى
××××××××
انا مش بعيد عنك
ولا بختفى ف جحرى
وجعك بيدخلنى
نقول اهاتنا سوا
ونبكى فوق التراب
على اللى تحتينا
وجنبينا وفوقينا
بيملوا الدنيا عطر الطهر والأصرار
على لحظه حياه واحده
تحلى العمر
..........
انا جواك
كأنى بشفتك بانطق
وبدراعك وبحجارتك
كأنى تؤامك فى الروح
بعيد....... يمكن
ولاكن دمعتى بتنزف
فى وقت الشوف
وتنشف وقت ما تحدد
زوال الخوف
واصرارك على كونك
.......... ما بتسلمش
........
اكيد يمكن انا دمك
ولحم كتافى من لحمك
بنشرب عزه الأحلام على ترابنا
ونبنى كل شئ اتهد
لا بنيأس ولا بنمل
هيفضل دمنا يجرى
ما يوقفهوش غرور السد
هنعلى هنكمل
هنذيد الحجر قوة
ده كل عنيد بيرمى فى الحجرقوه
تخلى العين تشوف بكره
وليل الضلمه بيعدى
وبيسلم شقاه ......... ويغوووووور
إرسال تعليق