.............. سهم الهوى ...............
اول سهم طلع منك كان بداية الحكاية
وقفتني ادامك وصوبتي علي الرماية
ولما السهم جاء في قلبي علمتني الحكاية
طيرتني فوق عالي وماسكة انت البداية
شوية ترضي المودة بكلمة بهمسة واحدة
وشوية سايبه المودة تقول وتحكي الرواية
ولما تلاقيني غبت عنك حركتي البداية
علمتك ازاي تترص الحورف وتبقى كلمة
والكلمة ازاي تبقى ليها كم معنى ومعنى
علمتك اصول اللعبة ولعبته من البداية
قولتلك الكلمة لعبتي وانا ماهر في كلمتي
سهم وسيف ورمح ده كل اسلاح دنيتي
صمتي وقولتي انت طيب قوي قوي قوي
في يا كبير سهم المحبة بيترمي بطرف العين
وانت حروفك كلها شباك لجل تصيد الطير
والشباك في وسط بحور الحب وعشق نور
انت السبب رميت شباكك وتعلقت فيك
وخليت الشبكة في ايدي طرفها كان كبير
وانت عامل انك صياد ماهر وما لك شبيه
نزلت بحور العشق من غير قارب صغير
والبحر فيه كل لون حب وعشق وهوى وشوق
وانت طماع عاوز تاخد كل البحر في قلبك كتير
ما خفت ان حب يبلعك والا شوق يدوبك
عامل فيها واعي وانت لحروفك مستني النصيب
وفي اديك صيد ثمين دوبته شوق وحب وحنين
علمته السكات من الالم علمته البكاء والندم
وكل مرة الشوق لك بيكتر والحنين الف الم
ولما انت الحب عندك غية وطير مطيره عالي
هو عشان كلامك زين وديمن لقلبي رامي
عرفنا انك شاطر وفي الرمي وسهامك في القلوب المجروحين
عرفنا يا سيدنا انك فارس والمهر لكهم لك عطشنين
عرفنا انك قد الحب وانت الجنون من قبل السنين
ممكن تقول عاوز ايه من صيدك اللي كان جميل
عاوز تحبه والا تجرحه وتخلي قلبه هو الحزين
عاوز تزرعه في بستانك وبنظرة عطفك تدوبه
والا عاوز تحتفظ بالف وردة ووردة جميلة وتساكته
عرفنا انك صاحب باع طويل في الحب والهوى والشوق
عرفنا انك يا سيدنا انك فارس جميل وكلك ذوق
بس افتكر حاجه ان كل المهور ما طوع اليمين
انت اللي عرفه عن الخيل شئ جميل في كلمتك
شئ يخليك في دنيا تانثة وقاعد طول عمرك حزين
خلي بالك لمه يكون معاك مهر خيل اصيل تصونه
يدوبك ويدوخك وقبل ما تلجمه راح هو يلجمك
وخلاك بحبه لا تنام الليل والنهار عاش حزين
بصمته يدوبك وبسكاته يخلي فكرك ويقلقك
وانت عاوز تطوله بكلمة بهمسة هو يدوبك
وتنس الدنيا وتبقي انت اللي وقتك في شباكه يا جميل
خليك فاكر كلمتي وحروفي خليها ليك ولفرحتك
بمداد قلبي ؛؛؛
الشاعر محمد ابراهيم
إرسال تعليق