كلمتين اتنين ,, بقلم الشاعر / محمود مسعود

كلمتين اتنين
ـــــــــــــــــــــــــــــــــ
فاتت جنبي نسمه
شبكت القلب ببسمة
مقالتش حتى همسه
تدله علي القسمة
انشغل القلب ومال
وقال فيه الموال
ياعيني ياقلبي ياليلي
وطال علي كده الحال
راح لحكيم القلوب
يشوف إيه المطلوب
قاله كلمة ودبلة
وتنول يابني المحبوب
من يومها القلب حن
ورسم صورة حبيبه
ياخونا القلب اتجن
عاوز يروح ويجيبه
كلمتين اتنين قالهم
فرشوله الأرض حرير
والدبلة زى أوصافهم
عاش عيشة العصافير
ليل ونهار بيغني
لحبيبه همسه جريئة
شايله في العين والنني
فرحان بعد مابقت حقيقة
ـــــــــــــــــــــــــــــــــــــــــــــــ
بقلمي / محمود مسعود (( شعر عامي )) 13/3/2016م