ذكري حلوة
خليني ذكرى حلوه
تفتكريها تلمع عنيكي
بلاش الدمع يسكنها
علشان بعشق عنيكي
خليني ذكرى غاليه
وبلاش حزنك عليا
حزنك عارفه صعيب
ما انا شفته بعنيه
خليني سحابة طيف
مع نسمه ربيع عدت
عدت مره عليكي
لمست. كف اديكي
هدت دقات قلبك
مسحت دمع عنيكي
مرة وخلاص وعدت
يا روح حلوة يا نسمه طيف
الروح فيكي طالعة
شتا كان ربيع أو صيف
وبقول خليني ذكرى
وقلبي مليان خوف
ما يدق تاني لغيرك
واعيش حياتي في خوف
اعيش ولا ما اعيش
مش فارقه عندي كتير
المهم عندي انا اعرف انك بخير
بقول خليني ذكري
والدمع مالي العين
على الخد سايل
بيجرح الخدين
خليني ذكرى حلوة
وبسمه على الشفتين
مش عايز اشوف حزنك عليا
ولا حتى دمع العين
يا كل حلو في حياتي
بدعيلك لحد مماتي
انك تكوني بخير
خليني ذكرى حلوة
شاعر الروح. على الحامدي
إرسال تعليق