رغم ان هناك ابناء يراعون امهاتهم
ويحفظون حقوقها اللتي وصى
بها الله تبارك وتعالى ألا انه يوجد
على النقيض بعض الاولاد ينكرون
حقوق امهاتهم واباءهم
ااااااااااااااا
عجبي على ام فاتوها
ولادها بين اربع حيطان
كبرتهم علمتهم
وصلتهم للامان
وبعد ماوصلوا لمناصب
مشيوا وفاتولها المكان
ليه باعوها وليه نسوها
ووصلوها للجنان
ياما تعبت ياما شقيت
ياما شبعوا من الحنان
مشيوا ف لحظه وفاتوها
بعد ما ربت زمان
اااااااااااااا
كل يوم تسال عليهم
قلبها موجوع عليهم
رغم كل اللي حصل
قلبها خايف عليهم
قلبها لسة سايعهم
عايزة تطمن عليهم
كل يوم نايمه بدموعها
عايزة تعرف اللي بيهم
هما فين راحوا ولادها
الغرور خلاص ماليهم
هما ليه اتخلوا عنها.خايفة
تدعي ف يوم عليهم
اللي ربت واللي ضحنت
لسة بتدور عليهم
ااااااااااااا
والشيطان وسوسلهم
يقعدوها ف اي دار
عشان تسيب بيتها وجيرانها
وقرروا واخدوا القرار
نسيت شبابها وعمرها
داقت عشانهم المرار
القلب مات ويا الضمير
وحطموا عليها الجدار
كانت زمان عايشة عشانهم
بتوصل الليل بالنهار
كانت بتحرم نفسها
يسقوها ليه بس المرار
ااااااااااااااااا
لكن الجيران منسوش
طيبتها وفضلها
وشالوها من ع الارض
شيل الكل كان بيحبها
واتجمعوا على قلب واحد
عشان يشيلوا حملها
والكل كان بيدق بابها
والكل كان بيودها
كسروها ليه بس الولاد
ده ماكنش ريح بيهزها
ورغم الجحود كانت تصلي
وترفع ايديها لربها
تدعي لولادها بالهداية
وادعوة طالعة من قلبها
هما باعوها وكانوا زمان
عايشين ف خيرها وضلها
اااااااااااااااااا
جبريل رضوان
إرسال تعليق