(عسل اسود )
ياخريطة في ورقة مرسومة
رسمك بأيديه رب الكون
وفي حضنك نيل
وجنابك يحرسهم بحرين
شط وميه
واحنا بنجدف في معدية
ياحكاية في ورقة مطوية
واحنا سطورها
يارواية في قصة مجنونة
حمضانة في طعمك مطلية
بعسل اسود
علشان ميبنش في يوم شكلك
وانتي زعلانة ومبكية
علشان ميبنش في يوم لونك
احمر في شوارع مسقية
في صباح ثورة بورد مندي
خلصت حكايتها في عصرية
سكتت غنويها العيال
فضيت احضان الميدان
لفوكي بدقيق او سكر
علشان ميبنش في يوم طعمك
ومراره في حلق الغلبان
نسيوم ان العيش والسكر
بيدوبو في شوية ميه
كداب ياوزير
كدابة يابطانة
كداب سلطانك يتمنظر
مش كل همومنا الرغفان
ولا وجع البطن
او جيب عمران
الأول بصو في عين الخلق
مستنية
عيش
حرية
عدالة اجتماعية
كله بيبان
كله بيبان
مش كل همومنا الرغفان
بقلمي / احمد حسين
إرسال تعليق