جبريل رضوان
باعشق ترابك يابلدى عشق النسيم والروح
وباحزن عليها لما قلبها يبات مجروح
وشربت من نيلها وباعشق مواويلها
وبا غنيلها وصوتى يبات منبوح
وباحب ناسها باحساسها وعمرى بسرها ماببوح
باعشق ترابك يابلدى مهما جرى فيكى
شايفك عروسة جميلة ولسة الحنة في اديكى
تنقطع ايد اللى دمر واللى خرب
واللى يتطاول عليكى
مهما عملوا ومهما قالوا مين بقى
يقدر عليكى
ده انتى حاضنة الكل فيكى
مادة بالخيرات اديكى
سامحى ابنك لو فى مرة
فش غلبه واتعصب عليكى
إرسال تعليق