طير . طير . طير يا حمام
وصل لحبيبى منى سلام
وقوله واحشنى صوتك
مقدرشِ واللهَ أفوتك
طير وارسىَ على شِباكه
ده انا قلبى واقع ف شباكه
طير . طير . طير يا حمام
وشوش حبيبى بهمس الغرام
وقولهُ البُعد واللهَ حرام
وصلهُ قُبلة على جبينهُ
وقولهُ مُشتاق لحنينهُ
فاكرينهُ واللهَ ما ناسيينهُ
طير . طير . طير يا حمام
طير وقوله دمعك غالى
يا روح قلبى إنت يا غالى
يا عُمرى يا كُل أمالى
على بالى واللهَ على بالى
طير . طير . طير يا حمام .
بقلم / على عمر
إرسال تعليق