.... يا امه بجد وحشاني ...... بقلم ...... إحساس الشاعر /حسن الشوان ..

................... يا امه بجد وحشاني .............
...............................................................
يا أمه زهورك
طرحت علي أغصاني
إنت الأمل ونورك
هون عليا زماني
والشمس وشعورك
اللي دايمـــا مدفيـــــاني
والربيع اللي زهزه بســــتاني
والحضن اللي خدني وكساني
وعطفك طبطب عليا ودواني
روحك عايشه فيا
وعينك لون عينيا
وأسمك بيرطب لساني
علمتيني الصبر
وزرعتيه في كياني
دقتي المر عشاني
سهرتي علي راحتي
ومن اجلي كافحتي
وعمرك ما إرتاحتي
إلا في عمق أحضاني
يا امه فين راح خيرك
ياأمه توهت من غيرك
وسيرتك مصبراني
أمه يا أجمل كلمه
أمه يا اغلي نعمة رباني
نفسي أبوس إيدك
ولمسة إيدك وحشاني
وأقابلك في يوم عيدك
وطلة عينك شغلاني
أحتار في وصفـــك
وفي رقتك وعطفك
ومن غيرك عايش وحداني
ح كتب عنك
وعمر الكلام ما يقل
روحي منك
وحروفك تطرح فل
يا أحلي لقمه في ريقي
وعطرك في شهــــيقي
وحبك الحقيقي في وجداني
يا أًصل البسمة وأروع نسمة
مستحيل تعود عليا تاني
انا فاكرك ومش ح نساكي
يا امه انا عايش بدعاكي
انت في دمي وشرياني
واتمني اشوفك والقاكي
وتكوني المرادي سمعاني
....................................................................
................ إحساس الشاعر /حسن الشوان ..