أبو بالطو أبيض ده حبيبنا
أبو بالطو أبيض ده حبيبنا
أخونا وجارنا ونسيبنا
لو قلنا الآه يجري بسرعه
لو عز الفجر يطببنا
ولا عمره أتأخر عن واجبه
ولا شوفنا منه غير قلقه
ولا عمره أتعالي ولا أتكبر
ما اتمنظر أبدا بشهادته
ولا نظم واقفة إحتجاجية
ولا فكر أبدا في ماهية
عارف إن الطب رسالة
لا تجارة ولا إنتهازية
أبو بالطوا أبيض ده شريف
طول عمره ف اللبس نضيف
وحياته واهبها للمرضي
مش مستني للتشريف
بيحس بمعاناة الناس
قلبه كبير فوي فوي حساس
مش مهنة بس يأديها
بيأدي عمله بإخلاص
طول عمره مكافح وأصيل
تربية أولاد النيل
بيحب بلاده بأمانة
وبيخدمها نهار مع ليل
مش موقف هيخليه يضرب
والموجة الجارية راح يركب
ويعرض مرضاه لهلاك
ويوقف سريان المركب
ما سمعش كلام الخاينيين
ولا شارك وقفة هايفيين
عارف إن بلاده ف محنة
بيقدر وعيونه شايفيين
أبو بالطو أبيض ده حبيبنا
كلمات شاعر الوطن /أسر فاروق طرباي
إهداء لكل الشرفاء الذين يرتدون البالطو الأبيض
تحيا مصر تحيا مصر تحيا مصر
إرسال تعليق