لسه بنبدأ
ـــــــــــــــــــــــــــــ
ياسنين الغربة ما تردينا
آه ................
لحبايبنا وأهالينا
العمر فات مش بأدينا
لقمة العيش غالية علينا
مشينا الغربة برجلينا
دا كان وعد مكتوب لينا
ياسنين الغربة ما يجراشي
الدق ع الرؤس كله ماشي
الواد يكبر بيه ما ندراشي
أخرتها ايه ياغربه مكفاشي
هم السنين
رايحين جايين
والاسم سفر
ويقولوا حنين
دول ناس تانيين
بيحبوا السفر
أخرتها ايه والله ما عارفين
يابلدنا حني بدل القاسيين
خدينا في حضنك
ماحناش وحشين
ع الحلوة والمرة أدينا صابرين
ولأمتي يا خال
حيدوم الحال
تعبنا خلاص
من طول الموال
والعيشة صعيبة
دي حياتنا غريبة
بين خد وهات
كل اللي فات
وظلم الحاجات
لسه بنبدأ
ــــــــــــــــــــــــــــــــــــــــــــــــــــــــــــــــــــــــــــــ
بقلمي / محمود مسعود (( موال )) 24/3/2016م
إرسال تعليق