أول كلامى صلاه
على خير البرايه
ومن بعد بسم الله
أبدى فصول الحكايه
..........
عاش من طاع مولاه
مخلّد فى نعيم الجنان
ومن عصاه ياويلاه
تهرى جلوده النيران
.....
كلمه والكلام هيجن
يخفى كل المعانى
والله .. بنى الجن
نقلت صحيح المعانى
......
حيران من حالنا هااتجن
لا عارف يمينى ولا شمالى
ملعون من فعله كيف الجن
يتقلب يمينى وشمالى
....
طعنت بالكمه والزّان
لا خفت عسكر ولا خلايق
دا بكره يوم حصاد وازّان
ومحشوره الأمم بلا خلايق
....
تعبنى زمنى وأخ
صبح صحبى عداى
شاهر سيفى علي أخ
وحاضن ف قلبي عداى
.......
ياأهل السلم سلمات
صلوا صلاة الجنايز
علي مجد زال سلمات
وبعضى لبعضى يهدى الجنايز
.....
تسلم إيدك يا زين
وابوس خدّك وشاشك
خالى من الكدب والزّين
لكن ملي دمي شاشك
......
مادري فرحان ولا تحزن
لو كنت يوم شهيدك
تفرح العين ولا تحزن
لو كنت بطعنك شهيدك
..........
ببكي وبكاي دم
بلّ الورق والوادى
وبحر حقد ودمّ
غرّق جبلها ووادى
..........
يا صحبي فوق واتلم
واعرف حدودك وحدّى
وكام واحد اتلام
لو طغى علي حدّى
........
أقولها كلمه والله شاهد
يعرف ضميري ومخبّاى
لو طالتك فتنه ولا شاهد
حاول تكون مستخبّاى
........
لو كنت تقدر نازلها
وايّاك تخنع في دورك
والا نفسك فذلّها
لانّه دور مش دورك
.......
واختم كلامى كمبداه
أوقع بقلمى ورايه
أرسم سلام وصلاه
علي خير البرايه
إرسال تعليق