قصيدة جزائر حرة للشاعر فاتح بلكبير سطيف الجزائر
الجزائر حرة تسبيك بالنضرة
محروسة بفحول رهبة للعديان
تفتحت فالارض للعاشق زهرة
بنشاك المسحوق روت عطشان
يا مكثر اعداك تصوبلك خزرة
تتمنالك شر تحسد بلعيان
تبليتي بايام والفتنة مرة
هذ سنة رب فكل البلدان
جرحك مهما طال يرتاح ويبرة
دمك اذا سال يعطينا لحزان
كل لمحان تزول نخذها عبرة
ذقدرو يا ناس هو عظيم الشان
حنا اولاد الجزائر رهبة بالنظرة
على كل العديان بالوحدة اخوان
يا رب وحديسر نا و لليسرى
ف ربعة وخمسين فجرنا ثورة
ف العالم اجلات وجميع البلدان
خذنا في الجبال معارك كبرى
وجهتنا لله بسلاح وايمان
جزائر وطني عنها في حيرة
استرها يارب اعطيها لمان
إرسال تعليق