الدحرجة
احمد صبري
-
دنيا عبيطة كلها علاقات
بتخلي الاعمى سعاتي
والدحرجة ليها علامات
ممكن تغير لي حياتي
ياللي انت عامل نفسك بيه
ومتغندر ومتكبر
غرورك شعورك خليك عليه
واتصور كذا منظر
اعمل نفسك محارب
خد لك كمان للقبين
ملوخية بالارانب
متحدث المجانين
-
طاطي وحايل في العلاقات
حياتك تنظبط
اصل انكتب على كل القنوات
للنفاق فقط
لما الحرف الهابط نجح
والجميل سقط
عصر المصالح اتفتح
الجاهز شبط
-
الدحرجة ليها اصول
يعرفها اللي سبق
هانم مرات مسؤل
هو معاها رشق
بتظهره ف التلفزيون
يلا عدي نفق
بيكلمها ف التليفون
وبالغرة اتلزق
-
ياللي الغرور خربئك
وخرم افكارك
اوعى تكون مصدقك
مفضوحة اسرارك
لولا نظام التطبيل
عصر مصالح مبارك
لاسمعنا صوتك الجميل
ولا شوفنا اشعارك
-
نصيحة وحاقولها ليا
ومش حاقولها ليك
الكبر يودي داهية
سكة بعيدة عليك
خليك كده فنان
حب الناس يكفيك
عمرك ماكنت جبان
تشهد عليك اغانيك
إرسال تعليق